My Navodayan Voices of Navodaya, Stories That Matter
abc

मुंबई, १९ जानेवारी २०२५: धावणे आणि जलद चालणे हे शरीरासाठी उत्कृष्ट व्यायामाचे प्रकार आहेत. धकाधकीच्या जीवनशैलीतून थोडा वेळ स्वतःसाठी काढून हा व्यायाम करणे शारीरिक आणि मानसिक आरोग्यासाठी फायदेशीर ठरते. हे केवळ हृदयाचे आरोग्य सुधारण्यास मदत करत नाही तर मानसिक शांतता आणि शरीराचे सांधे मजबूत करण्यासाठीही उपयुक्त ठरते. याच संदेशाला प्रोत्साहन देण्यासाठी टाटा मुंबई मॅराथॉन २०२५ चे आयोजन १९ जानेवारी २०२५ रोजी करण्यात आले होते. या मॅराथॉनमध्ये १० किमी, २१ किमी आणि ४२.२ किमी अशा तीन अंतरांच्या गटांचा समावेश होता. सहभागी व्यक्तींना मुंबईत प्रत्यक्ष धावत मॅराथॉन पूर्ण करण्याचा किंवा GPS आधारित Virtual पर्यायाचा लाभ घेण्याची संधी देण्यात आली होती. यंदाच्या मॅराथॉनमध्ये नवोदय विद्यालयाचे माजी विद्यार्थी दिनेश साकुरे, डॉ. जयंत पर्वते डॉ. मनिष पर्वते यांनी यशस्वी सहभाग नोंदवला आणि वेळेत धाव पूर्ण केली. त्यांनी आपल्या सहभागातून इतरांना चालण्याचे आणि मॅराथॉनमध्ये सहभागी होण्याचे महत्त्व अधोरेखित केले. “स्वतःसाठी धावणे म्हणजे केवळ शारीरिक स्वास्थ्याचाच विचार नाही, तर मनाला उभारी देणेही आहे,” हा संदेश त्यांनी प्रभावीपणे दिला आहे.

नागपूर, ५ जानेवारी २०२५: नवीन वर्षाचे स्वागत आरोग्यदायी पद्धतीने करण्यासाठी इन्स्टिट्यूट ऑफ सायन्स, नागपूर येथे नागपूर मॅराथॉनचे आयोजन करण्यात आले. या मॅराथॉनमध्ये अनेक धावपटूंनी उत्स्फूर्तपणे सहभाग घेतला. विशेषतः, या स्पर्धेत नवोदय विद्यालय गोंदिया चे माजी विद्यार्थी प्रकाश बावनथडे (३७ वर्षे), झाशिराम पर्वते (३६ वर्षे), आणि डॉ. मनिष पर्वते (३४वर्षे) यांनी १० किमी प्रभागात वेळेच्या मर्यादेत मॅराथॉन पूर्ण करत एक आदर्श निर्माण केला. त्यांनी स्वतःच्या धावण्याच्या प्रेरणादायी प्रवासाद्वारे इतरांना सुद्धा आरोग्य आणि तंदुरुस्तीसाठी धावणे व चालण्याची सवय लावण्याचे आवाहन केले. ही मॅराथॉन आरोग्य आणि फिटनेस यांचा प्रचार करण्यासाठी आयोजित करण्यात आली होती, ज्यात सहभागी झालेल्यांनी नवीन वर्षाच्या सुरुवातीला सकारात्मक उर्जेने आरोग्यपूर्ण जीवनशैलीचा स्वीकार करण्याचा संदेश दिला.